انا ورقة ……. اه انا ورقة

اية عمرك ماتخيلت نفسك انك تكون ورقة اممممممممممم يااااااااااة احساس مختلف انك تكون ورقة

فاكرين فيلم شنبو في المصيدة لما تخيل نفسه ورقة واعد يقول انا ورقة انا ورقة ودة كلة عشان يقنع نفسة انه ورقة ويرمي نفسه من فوق البرج لانة هيكون مجرد ورقة هطير وتفضل طايرة طايرة لحد ماتقع علي الارض والله اعلم هتع فين ياسلام ياولاد كان هيبقي الرجل الورقة وكان هيبقي مشهور جدا بعد ما يموت طبعا ماعلينا

يعني انت لو تخيلت نفسك ورقة علي اساسة هتتخيل حاجات كتير يعني ممكن تتخيل نفسك ورقة في كتاب غالي مليان معاني وعبارات جامدة مش من السهل أي حد يفهمها ناس معينة او درجة معينة من المثقفين بس هما اللي يقدروا يفهموها يعني من الاخر ورقة علي درجة عالية من الثقافة (اللهم احفظنا)


او ممكن تكون ورقة في كتاب مدرسي يعني ملهاش لزمة اخرتها تترمي او يتلف فيها ساندويتشات فول وطعمية او نلعب بيها ونعمل طيارات ومراكب يعني هتكون ورقة حمالة اسية


او ممكن بردو تكون ورقة بس ليها معني واحساس عشان دي مش أي ورقة لا دي جواب حب وغرام من حبيبة لحبيبها ومليان حب ودموع يعني اخر رومانسية ياسيدي هو ده الورق ولا بلاش (الورقة النكدية)


طيب لية ما تتخيلش نفسك ورقة بنكنوت (فلوس يعني) ياسلاااام ياولاااد هو ده باه الكلام المفيد يعني مثلا تتخيل انك تكون ورقة بمائة جنية لالالالا بمائتين جنية لا بردو انت تكون بالعملة الصعبة احسن مثلا بالدولار مش تقولي جنية ياحلاوة ياولااااد و تقولي شنبو والبرج واطير زي العصافير وبتاع ولا ورقة مثقفة ولا ورقة طلعان عنيها لا وكمان جواب حب وغرام ياشيخ روح هو الدولار هو ده الكلام المفيد اللي من الاخر


دانا هلف الدنيا وهتنقل من بنك لبنك وبيا هيتعمل حاجات كتير وهكون الولد البريمو اللي يكسب دايما


ياسلام ع التفكير هي دي الدماغ الصح اللي متكلفة اللي ماشية علي مبدا اكون او لا اكون اكون ورقة بنكنوت ولا اكون ورقة في كتاب ولا جواب اكون ورقة ليها قيمتها في الزمن دة يا اما بلاش ماهي اصل الناس بقت مادية اوي وبتاعت مصالحها مابقاش في حد مثقف اوي لدرجة يشتري كتاب غالي مليان معاني جامدة عشان يقراة ويتعلم منة اخرتة يكون زينة في مكتبة


انما لما هكون ورقة بنكنوت هتلاقي الناس علية اية ……. وهيحبوني ويجروا ورايا زي ال ……..


متخيلين ان دة باة تفكير كتير مننا ياااااه لية التفكير دة ولية الدنيا بقت كدة دي الحياة حلوة وجميلة بس احنا اللي معقدينها مش هقولكم فكروا بعقولكم بس لا وكمان بقلوبكم واسرحوااا وروحوا لبعيييييييد وتخيلوا نفسكم ورقة بس ياريت ورقة جميلة واكيد كل واحد مختلف في تفكيرة وكل واحد هيتخيل نفسة الورقة اللي تعجبة واللي تمشي مع حالتة وشخصيتة ماهو اصل الورق كتير كتير …….وعالم ورق في ورق