الف باب وباب

الف باب وباب..........ورا كل باب سرداب.........سرداب طويل طوووووويل........فية الحكاوي بالمواويل ...........حكاوي ولا الف ليليه وليلة ........دي حكاوي شعب عايشها .........هااااااااه تحب تسمع ولا تخلع

وقولتوا نحب نسمع .......... قلت طيب اروح اجيب ربابتي ونسمع...........ونفتح باب ورا باب ...........وكل باب بحكاية جديدة ............ والحكايه تجر حكايه وحكاوينا كتيرة ............. ولا حكاوي شهرزاد لشهريار .......... ولاعندنا الديك اللي بيصيح ويقطع الليل بالنهار ............ ولا تقولي ابو زيد الهلالي ولا عنترة ......... دي حكاوينا لا تنكتب ولا تتقرا ......... كانت زمان حكاوينا تتكب في مجلدات .......دلوقتي بقت علي الورق والكل يقول هات ........ ده الفضايح ببلاش وياللي ماتعرفش تعالي نعرفك ..........حكاوي جديدة تحب نشرفك......دة الكل شايل في قلبة ومكتوم ............عندة بدل الهم هموم .......... ادي شباب تاية مالوش طريق ........في البطالة والادمان اصبح غريق ............. واطفال كتير في كل شارع اطلقوا عليهم اطفال الشوارع ..............ولكل طفل حكاية وحكاية هو فيها برئ ............ وفساد تلاقية في كل مكان .......... انما الضمير مات من زمان ........... وتصرخ مهما تصرخ مش هتلاقية .........هتلاقي شعارنا ياعم عيش وكل عيش ........... دة مش اي عيش دة عيش كل فوائد ........فيتامين تلاقي حديد تلاقي بس انواع جديدة ......تقول حرام دة اكل بني ادمين ..........هيردوا عليك يقولوا لك يا عم دة معدة المصريين .......... مش معدة صيني لا دي من النوع المتين .........ولو عطلت في يوم نجيب غيرها من الصين ...........ماهي حياتنا كلها بقت من الصين ...........دة من غلبنا صدرنا البسبوسة للصين ........... ولو ما لقيناش في الصين عندك البني ادمين كتير وببلاش .................اعضاءهم تحت امرك بس انت ما تنساش............ تاخد بالك مني وتكرمني ........... وتهنا في حكاوينا ما عارفين لنا بداية ولا نهاية ........... نصرخ ونقول يا ابواب امتي تختفي وحكاوينا تنتهي .............. بس لا صوتنا واصل ولا حد سامع........... ومهما حكينا حكاوينا لا هتبقي حلوة ولا ملتوتة .............. وللحكاوي باقية بس يامين يعيش ويا مين يسمع